.png)
Një problem në aplikacionin e Facebook për fëmijët nën 13 vjeç, ka vënë fëmijët në kontakt me të huajt pa u miratuar nga prindërit, ka njoftuar kompania.
Messenger Kids, i themeluar në vitin 2017, ishte i lidhur si një hapësirë e sigurt për fëmijët që ishin nën moshë për të përdorur këtë version të rrjetit social.
Aplikacioni i lejonte fëmijët të bisedonin me miqtë të cilët ishin miratuar nga prindërit.
Por një problem në apliakcion, e raportuar fillimisht nga The Verge, bëri të mundur që përdoruesit e paautorizuar - të cilët mund të jenë rritur - të jenë pjesë e bisedave në grup."Kohët e fundit kemi njoftuar disa prindër të përdoruesve të llogarive të Messenger Kids për një gabim teknik që kemi zbuluar që prekin një numër të vogël bisedash grupore", konfirmoi kompania të hënën.
"Ne i fikëm çaktivizuam bisedat e prekura dhe u ofruam prindërve burime shtesë në Messenger Kids dhe në sigurinë në internet".
Kompania raportoi se "mijëra" prindërve u kishte dërguar mesazhin ku i paralajmëronte për çështjen. Kompania nuk do të jepte një vlerësim më specifik kur u pyet nga BBC.
Fëmijët që përdorin Messenger Kids mund të flasin vetëm me njëri-tjetrin kur një prind (ose kujdestar) për çdo fëmijë miraton miqësinë. Sidoqoftë, në një bisedë grupore, ishte e mundur që një fëmijë të vihet në kontakt me një person të tretë, i cili, ndonëse miratohej nga një prind i një fëmije, nuk ishte miratuar nga tjetri.
Kontrollet prindërore kanë për qëllim sigurimin e komunikimit të sigurt dhe të miratuar.
Messenger Kids bën të mundur që të rriturit e miratuar (zakonisht një prind ose një anëtar tjetër i familjes) të flasin me fëmijët nëpërmjet aplikacionit, që do të thotë se është e mundur që personi i tretë i panjohur në një bisedë grupi të jetë një i rritur.
Një zëdhënës i Facebook-ut i tha BBC-së se gabimi ishte rregulluar menjëherë sapo ishte zbuluar nga Facebook dhe firma nuk kishte marrë ndonjë ankesë lidhur me problemin nga prindërit ose të ketë konstatuar ndonjë rast të papërshtatshëm.
Sidoqoftë, zëdhënësi nuk mund të thoshte se prej sa kohësh kishte qenë aktiv defekti në aplikacion, dhe as kur Facebook, mësoi për këtë problem.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
