.png)
Pas akuzave të ish-punonjëses Frances Haugen, Facebook ka vendosur të zbatojë politika të reja për të larguar përdoruesit nga përmbajtjet e dëmshme, për t'u dhënë prindërve më shumë kontroll mbi llogaritë e adoleshentëve në Instagram dhe për të kufizuar përmbajtjen politike.
Lajmi është bërë i ditur Nick Clegg, një zyrtar i kompanisë.
Clegg tha se nuk mund të largojnë çdo përmbajtje të dëmshme në rrjetet sociale por do të mundohen t’i zvogëlojnë.
Ndryshimet e Facebook vijnë pas akuzave të ish-punonjëses Frances Haugen. Haugen, zbuloi dokumentet e brendshme të Facebook në The Wall Street Journal duke deklaruar se Facebook vendos përfitimet e veta përpara shëndetit dhe mirëqenies së përdoruesve. Ajo zbuloi se kompania është në dijeni të disa problemeve por i ka injoruar ato.
Clegg tha se Facebook ka investuar 13 miliardë dollarë gjatë viteve të fundit për të siguruar që platforma të jetë e sigurt dhe se kompania ka 40,000 njerëz që punojnë për këtë çështje.
Josh Golin, drejtor ekzekutiv i Fairplay, një mbikëqyrës i të drejtave dixhitale tha se kontrolli i prindërve mbi llogarinë e fëmijëve nuk është efikas sepse gjithsesi fëmijët kanë mundësi të hapin një llogari të fshehtë, nëse duan.
Ai gjithashtu kishte dyshime dhe se sa efektive do të ishte nxitja e adoleshentëve për të bërë një pushim ose për t'u larguar nga përmbajtjet e dëmshme. Ai vuri në dukje se Facebook duhet të tregojë saktësisht se si do ta zbatojnë atë dhe të tregojë kërkime që tregojnë se këto mjete janë efektive.
Ndërkohë Clegg i mëshon faktit se Facebook nuk ka shumë gjëra në dorë për të bërë dhe “njerëzit janë përgjegjës vetë për veprimet e tyre”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
