.png)
Ndërkohë që Europa po raporton më shumë raste me koronavirus sesa Shtetet e Bashkuara, Brazili dhe India, sipas shifrave të Organizatës Botërore të Shëndetësisë, shumë qeveri po mbyllin pub-et dhe baret ose kufizojnë orët e hapjes së tyre me shpresën për të shmangur bllokimet më të gjera.
Ky është një lajm i keq për pije-dashësit nga Brukseli në Paris në Edinburg, ai do të jetë edhe më i dhimbshëm për bizneset.
Në Berlin, një qytet i famshëm për jetën e tij të natës, baret mbeten të hapura por rregullat e reja që hyjnë në fuqi të shtunën do të thotë që ato do të duhet të mbyllen në orën 11:00, së bashku me restorantet dhe dyqanet.
Jo më shumë se pesë persona do të lejohen të mblidhen në grup nga 11:00. deri në orën 6 të mëngjesit dhe jo më shumë se 10 persona do të lejohen të mblidhen brenda shtëpisë. Masat pritet të qëndrojnë në vend të paktën në fund të tetorit.
Për Stefan Zenoë, pronari 41-vjeçar i dy lokaleve në Berlin, kufizimet e reja janë një goditje e rëndë.
Bizneset e tij, dikur fitimprurëse, po luftojnë të qëndrojnë në këmbë pas karantinës së vendosur në fillim të këtij viti, thotë ai, dhe mund të mbyllen nëse nuk merr ndihmë nga shteti.
"Kjo po na con 10 hapa prapa," tha ai. "Çdo muaj po pësojmë ulje të fitimeve, por ne donim ta vazhdonim të qëndronim hapur. Tani, me këto kufizime të reja nuk jemi më të sigurt nëse mundemi. Unë besoj se ky shtetrrethim do të jetë në fuqi deri në mars ose prill të vitit të ardhshëm . "
Ai po mendon të hapë më herët baret për t'u përpjekur të fitojë sa më shumë të mundet.
" Zakonisht gjatë verës ne hapemi në 8 të darkës dhe qendrojmë hapur derisa të largohet klienti i fundit. Në dimër ne hapemi në 7 pasdite. Por tani me shtetrrethimin në vend, ne jemi duke menduar të hapemi në 5 pasdite. në mënyrë që njerëzit kur dalinm nga puna të mund të marrin një pije gjatë rrugës për në shtëpi. Por nuk jam i sigurt nëse kjo do të funksionojë vërtet për një qytet si Berlini”, thotë ai.
Zenoë është gjithashtu skeptik nëse kufizimet do të funksionojnë.
"Është një nevojë njerëzore për t'u bashkuar dhe për të festuar së bashku. Nuk mendoj se njerëzve u pëlqen t'u thuhet se çfarë nuk mund të bëjnë, sipas mendimit tim ata do të vazhdojnë të mblidhen në grupe. T’i përpiqesh të kontrollosh turmën nuk do të ndihmojë! Ju nuk mund t'u thoni të rinjve në të 20-at dhe 30-at e tyre që të ndalojnë së festuari. Unë mendoj se ligji i ri mund të ketë një ndikim negativ. Njerëzit do të takohen privatisht për të festuar”,shprehet ai.
Por Ministri i Shëndetësisë Jens Spahn paralajmëroi të enjten se tani nuk ishte momenti që Gjermania të ulte vigjilencën.
“Ne e kemi menaxhuar krizën më mirë se çdo vend tjetër në Europë deri më tani. Por ne nuk duhet të luajmë bixhoz atë që kemi arritur," tha ai. "Situata këtu në Berlin tregon se sjellja e pakujdesshme dhe nganjëherë injorante gjatë kësaj pandemie mund të ndryshojë shpejt situatën për keq".
Brukseli mbyll baret për një muaj
Kombet e tjera po miratojnë masa më drastike ndërsa përpiqen të balancojnë kërkesat ekonomike me mbingarkesën e shërbimeve të kujdesit shëndetësor.
Baret dhe kafenetë në kryeqytetin e Belgjikës u urdhëruan të mbyllen të enjten për një muaj në një përpjekje për të frenuar rritjen e rasteve të reja.
Klubet sportive profesionale gjithashtu duhet të mbyllin baret për një muaj dhe konsumi i alkoolit në hapësirat publike është i ndaluar në të gjithë rajonin e qytetit të Brukselit.
“Brukseli tani mban pozicionin e kryeqytetit të dytë më të prekur europian midis Madridit dhe Parisit", me 505 raste për 100,000 qytetarë, tha zëdhënësi i qeverisë Yves Van Laethem gjatë një konference.
Vendimi erdhi një ditë pasi u vendosën kufizime më të rrepta në të gjithë vendin duke prekur afërsisht 11.5 milion banorë. Qytetarët tani duhet të kufizojnë kontaktet e tyre shoqërore në tre persona në muaj dhe të mos mblidhen në grupe më të mëdha se katër persona. Takimet në natyrë janë të kufizuara në katër persona, duke përjashtuar ata që jetojnë në të njëjtën shtëpi. Kafenetë dhe restorantet mund të shërbejnë jo më shumë se katër persona për tryezë dhe duhet të mbyllin dyert e tyre deri në orën 11:00.
Kryeministri belg Aleksandër de Croo tha se kufizimet u krijuan për të "shmangur një bllokim të përgjithshëm" për shkak të përhapjes së pandemisë.
Ndërsa rastet e koronavirusit u rriten ndjeshëm në Francën fqinje, baret dhe kafenetë në Paris, u urdhëruan të mbyllen të martën për dy javë. Restorantet atje mund të qëndrojnë të hapura vetëm nëse ndjekin rregullat e rrepta të higjienës dhe distancimit shoqëror, tha ministria e shëndetësisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
