.png)
Emocionet që të fal futbolli janë të jashtëzakonshme, jo më kot është sporti më popullor në mbarë botën. Nuk është thjesht dhe vetëm një sport, por shumë më shumë, e tregon më së miri fotoja e kapitenit të Kaljarit, teksa ngushëllon kundërshtarin pas humbjes dramatike.
Deri në minutën e 90-të, Parma fitonte 2-3 në fushën e Kaljarit, por në shtesë pësoi 2 gola, u mund 4-3 dhe shanset për qëndrimin në Serinë A janë pakësuar ndjeshëm. Jasmin Kurtiç e kuptoi këtë sapo arbitri vërshëlleu për përfundimin e ndeshjes. Slloveni shpërtheu në lot dhe u shtri në fushën e “Sardegna Arena” i dëshpëruar.
Në këtë moment ndodh një skenë që transmeton vlerta e vërteta të sportit: Zhoao Pedro, kapiteni i Kaljarit, ulet pranë tij për ta ngushëlluar. Një kapiten i vërtetë, një njeri sporti i vërtetë, që respekton kundërshtarin dhe kupton atë që ai po përjeton. Fotot e këtij momenti kanë pushtuar rrjetet sociale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje