Ministria e Kulturës së Ukrainës është ankuar në Netflix për portretizimin e një personazhi nga Kievi në serialin “Emily in Paris”. Seriali i Netflix tregon një të re amerikane, të luajtur nga Lily Collins, e cila udhëton në kryeqytetin francez për punë. Në serinë e fundit, Petra, një ukrainase, vjedh një dyqan gjatë një udhëtimi me personazhin kryesor Emily. Ministri i Kulturës Oleksandr Tkachenko e përshkroi imazhin e Petrës si “fyes”. Petra, e cila luhet nga aktorja ukrainase Daria Panchenko, portretizohet gjithashtu se ka një sens të dobët të modës dhe ka frikë se mos deportohet.
“Në Emily in Paris, ne kemi një imazh karikaturë të një gruaje ukrainase që është e papranueshme. Është gjithashtu fyese”, shkroi Tkachenko në Telegram.
“Kështu shihen ukrainasit jashtë vendit?”, shtoi ai.
Sipas mediave ukrainase, Tkachenko i ka dërguar një letër shërbimit të transmetimit duke u ankuar për portretizimin e Petrës. Një banor ukrainas në Paris u pajtua me kritikat e tij.
“Mënyra se si e trajtuat imazhin e ukrainasve në sezonin tuaj të dytë, episodi i 4-të është një mashtrim kaq i ulët, skandal absolut dhe një turp,” shkroi Yevheniya Havrylko në një postim në Instagram, i cili ka pasur më shumë se 75,000 pëlqime. Të tjerë kanë zgjedhur të mbrojnë serialin, si producentja ukrainase e filmit Natalka Yakymovych e cila tha: “Pra, në një serial televiziv, personazhet negative mund të jenë çdo gjë përveçse ukrainas? Natyrisht, ne të gjithë do të dëshironim që ajo të ishte nga Moska, por jo gjithmonë merrni atë që dëshironi.” Nuk është hera e parë që Emily in Paris kritikohet për portretizimin e kombësive të ndryshme. Kur u publikua sezoni i parë, ai u kritikua, veçanërisht në Francë, për promovimin e imazheve stereotipike të qytetit dhe banorëve të tij. Ai i portretizon francezët si njerëz të vrazhdë që shpesh tradhtojnë partnerët e tyre.
Në sezomin e ri të serialit shfaqet Alfie, një britanik stereotip që e kalon kohën duke pirë nëpër lokale dhe duke parë futboll. Darren Star, krijuesi i shfaqjes, mbronte më parë serinë e parë, duke thënë se “nuk i vinte keq që e shikoi Parisin me një lente magjepsëse”. Star tha se ai kishte përdorur përvojat e tij të vizitës së qytetit. “Doja të shfaqja Parisin në një mënyrë vërtet të mrekullueshme që do t’i inkurajonte njerëzit të bien në dashuri me qytetin në një mënyrë si unë”, tha ai për New York Times.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
