Ekspertët: Askush nuk e di se kur do të kemi një vaksinë

Sipas ekspertëve të mjekësisë, askush nuk mund ta dijë se kur dhe nga do të vijë vaksina e parë e sigurt dhe efektive kundër Covid-19.
Që prej "dështimit" të vaksinës së Oksfordit e cila deri më tani ishte premtuese, ekspertët shprehen se duhet më shumë kohë për të realizuar një vaksinë të sigurtë. Provat e fazës së tretë, pra faza e fundit që përfshin dhjetëra mijëra njerëz, janë ndërprerë për shkak se u sëmur njëri prej vullnetarëve që mori vaksinën. Studimet janë duke u zhvilluar shpejt gjithashtu në SHBA, Brazil dhe Afrikën e Jugut, me synimin për të marrë një përgjigje më të shpejtë për shkak të numrit më të madh të rasteve në ato vende.
Jeremy Farrar, specialist i sëmundjeve infektive, tha se zhvillimi i vaksinës "është një përpjekje e qenësishme e rrezikshme dhe nuk mundemi të mbështetni një kandidat të vetëm të vaksinës. Duhet të kesh një portofol, duhet të jesh pragmatik se jo të gjitha këto vaksina në fazën e vonshme të zhvillimit do ta arrijnë atë”.
Sipas tij, siguria është absolutisht kritike dhe provat në shkallë të gjerë dhe ndjekja e njerëzve që janë vaksinuar pas lançimit ishin jetike. Farrar, u bëri thirrje shkencëtarëve në të gjithë botën të ndajnë të dhënat e tyre, siç ka bërë edhe Oxford.
“Eshtë absolutisht e rëndësishme që të dimë se çfarë po ndodh në SHBA dhe Evropë në Kinë dhe Rusi dhe kudo tjetër, duke zhvilluar këto vaksina".
Asnjë vend nuk duhet të mendojë se ata mund të blejnë rezervat e nevojshme dhe të injorojnë pjesën tjetër të botës.
“Nuk ka vlerë nacionalizmi i vaksinave. Nuk është një rrugëdalje nga pandemia. Kjo nuk do të shpejtojë gjërat në fakt, do t'i ngadalësojë gjërat. Dhe nuk kemi ide se nga do të vijë vaksina më e mirë që është e sigurt dhe efektive," shtoi ai.

Sekretari i Shëndetësisë, Matt Hancock, tha se nuk ishte i shqetësuar për ngadalësimin e vakzsinës dhe mos funksionimin e vaksinës së Oxfordit, se sa për gjetjen e një vaksine të sigurtë.
"Eshtë padyshim një sfidë për këtë vaksinë të veçantë. Në të vërtetë nuk është hera e parë që ka ndodhur me vaksinën e Oxfordit dhe është një proces standard në provat klinike. Kjo është një pauzë jo një ndalesë, kështu që unë shpresoj që kompania AstraZeneca të jetë në gjendje të rifillojë, por vetëm nëse është e sigurt për ta bërë këtë," shtoi ai.
Një zëdhënës i AstraZeneca, kompania që punon me Universitetin e Oksfordit, i tha se studimet janë ndaluar për të shqyrtuar "sëmundjen potencialisht të pashpjegueshme" në një pjesëmarrësi.
Zëdhënësi theksoi se reagimi negativ ishte regjistruar vetëm në një pjesëmarrës të vetëm dhe tha se pauza ishte e zakonshme gjatë zhvillimit të vaksinave.
Ndërkohë mediat britanike kanë bërë me dije se vullnetari kishte përjetuar mielitit transversal, një sindromë inflamatore që prek palcën kurrizore dhe shpesh shkaktohet nga infeksione virale.
Burimi:The Guardian/Përktheu:Gazeta "Si"

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.