Teknologji dhe Inovacion

EA blen kompaninë që prodhon lojën F1 për 1.2 miliardë dollarë

Electronic Arts ka konfirmuar zyrtarisht blerjen e kompanisë Codemasters, një marrëveshje e cila u vlerësua me 1.2 miliardë dollarë. Codemasters ka prodhuar lojën zyrtarë të çdo sezoni të Formula 1 që nga 2009, fillimisht në Nintendo Wii dhe më pas në konsolat e tjera. Në 4 vitet e fundit, loja është përdorur në kampionatin F1 eSports. Marrëveshja nënkupton marrjen e të drejtave ekskluzive nga EA për Formula 1, Need for Speed, DIRT, DiRT Rally/WRC, GRID, Project CARS dhe Real Racing.

Codemasters është një nga zhvilluesit më të vjetër të lojërave britanike, që është themeluar në vitet ’80 dhe prodhon hite të hershme si Dizzy për sistemet që ishin të njohura në Mbretërinë e Bashkuar si ZX Spectrum dhe Commodore 64. Në dekadat e fundit ata kanë qenë më të njohur për krijimin lojërave racing si Dirt, Grid dhe Formula 1, dhe vitin e kaluar bleu zhvilluesin e Project Cars. Codemasters doli në shitje në Nëntor kur Take-Two Interactive ju afrua kompanisë Britanike për ta blerë për 994 milionë dollarë. Por EA bëri një ofertë më joshëse çka bëri që pjesa më e madhe e aksionerëve të Codemasters të votonin në favor të marrëveshjes me këtë të fundit.

EA, sigurisht, zotëron ekskluzivitetin e Need for Speed, kështu që shtimi i Codemasters do t’i jepte asaj kontroll të mëtejshëm mbi një pjesë të madhe të tregut të lojërave racing. Konkurrentët kryesorë do të ishin Gran Turismo i Sony dhe Forza i Microsoft-it, të dyja këto janë ekskluzive për platformat përkatëse të botuesve të tyre.

“Electronic Arts dhe Codemasters kanë një ambicie të përbashkët për të udhëhequr kategorinë e racing të videolojërave”, thotë kryetari i Codemasters Gerhard Florin. Bordi i Codemasters beson fuqimisht se kompania do të përfitonte nga njohuritë e EA, burimet dhe shkalla e gjerë globale, si në përgjithësi ashtu edhe në mënyrë specifike brenda sektorit të garave. “Ne mendojmë se ky bashkim do të sigurojë një të ardhme emocionuese dhe të begatë për Codemasters, duke lejuar ekipet tona të krijojnë, të lançojnë dhe t’i shërbejnë lojërave më të mëdha dhe më të mira për një audiencë jashtëzakonisht të apasionuar.”


Copyright © Gazeta “Si”




Më Shumë