.png)
Gazeta Si – Grupi kriminal që shpërndante lëndë narkotike në zona të ndryshme të Tiranës, i goditur nga policia të martën, përdorte taksitë dhe mjete motorike për të shmangur vëmendjen e policisë.
Katër nga personat e ndaluar punonin si shoferë taksie, të cilëve iu gjetën edhe doza me vete në momentin e ndalimit.
Sipas përgjimeve, blerësit pasi kërkonin të merrnin dozat e lëndës narkotike i specifikonin me fjalët “e mirë” dhe “e fortë”.
Droga, po ashtu shërndahej edhe me skuter elektrikë, si mënyrë e shpejtë për të mos u identifikuar nga organet e policisë.
Burime paraprake, bëjnë me dije se një dozë kokainë 0.8 gram e shisnin 7 ose 8 mijë lekë të reja, ndërsa doza më të vogla, 0.4 gram e shisnin 3500 dhe 4 mijë lekë.
Një dozë heroinë 0.3 gram shitej në vlerë 1 mijë Lekë dhe një qese hasash 500 dhe 1 mijë lekë. Droga ekstazi kushtonte 1500 dhe 25 mijë lekë për kokërr.
Anëtarët e grupit, kokainën e siguronin nga Euxhenjo Manushi, i arrestuar më herët me kokainë në makinë.
Ndërsa dozat ekstazi siguroheshin nga Ergis Noka, djali i pronarit të një portali, i cili një muaj më parë u kap bashkë me 3 persona të tjerë nga policia.
Ndërkohë, këtë të mërkurë, një prej të shpallurve në kërkim nga policia e Tiranës, është arrestuar në Gjirokastër duke e çuar në 28 numrin e masave të ekzekutuara nga 34 që janë në total.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
