.png)
Firmat në të gjithë Europën po përpiqen të gjejnë punonjës për të punuar me furgonë, kamionë dhe në cisterna.
Shoferët po plaken, shumë po dalin në pension dhe të rinjtë janë lënë jashtë mundësive. Pa shoferë, zinxhirët e furnizimit po tkurren. Shoferët në Britani kanë qëndruar në radhë për orë të tëra në stacionet e benzinës. Më 25 shtator qeveria tha se do të lëshonte viza të përkohshme për 5.000 shoferë të huaj për kamionë për të ndihmuar në zbutjen e hendekut. Por me kërkesën e lartë në të gjithë kontinentin, konkurrenca për shoferët është e ashpër.
Një shenjë e kësaj është numri i vendeve të punës të shpallura. Sipas një faqe interneti për kërkimin e punës, listat ditore për drejtuesit e automjeteve të mallrave të rënda (HGV) në Britani u rritën me 108% gjatë verës, krahasuar me shkurtin e vitit 2020. Tani ato janë 73% mbi nivelet para-pandemike. Në Gjermani, listat e vendeve të punës janë rritur me 67%; në Spanjë ata janë rritur me 95%; dhe në Itali me 105%. Shoferët europianë të kualifikuar kanë punën e tyre në të gjithë kontinentin.
Kushtet e plotësimit të formularit dhe taksat e lidhura me Brexit do ta bëjnë ofertën nga qeveria e Boris Johnson për një vizë afatshkurtër në Britani më pak tërheqëse.
Rritja e pagave mund të joshë më shumë njerëz të hipin në timon. Në të vërtetë llogaritet që paga mesatare e ofruar për shoferët HGV u rrit me 12.8% në Britani midis shkurtit dhe gushtit, krahasuar me një rritje prej vetëm 1% në të gjitha vendet e punës.
Shoferët nga Europa jugore dhe lindore që kërkojnë punë mund të tërhiqen më shumë nga mundësitë e punës në vende si Gjermania ose Holanda, të cilat ofrojnë paga të konsiderueshmesi dhe liri të lëvizjes nëpër Bashkimin Europian.
Rekrutimi i drejtuesve të rinj do të marrë kohë. Tani për tani, qeveria britanike ka urdhëruar rreth 150 ushtarë të jenë gati për të drejtuar cisternat. Për një qeveri që u ka bërë thirrje qytetarëve të ruajnë qetësinë, ky është një hap ekstrem.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
