.png)
Gazeta Si - Tre automjete, të cilat vinin nga jashtë, janë bllokuar në portin e Durrësit me dyshimin e janë të vjedhura.
Për rrjedhojë, u morën masa ndaj poseduesve të tyre, ku një person u arrestua dhe dy të tjerë u ndoqën penalisht.
Policia arrestoi në flagrancë shtetasin Xh.R., 53 vjeç, banues në Zvicër, për veprën penale "Trafikimi i mjeteve motorike", pasi është konstatuar me një automjet, i cili rezulton i vjedhur në shtetin italian.
Gjithashtu, filloi procedimi penal për shtetasit: F. L., 39 vjeç dhe S. M., 47 vjeç, banues në Durrës dhe Mbretërinë e Bashkuar, pasi janë konstatuar me automjetet përkatëse, të cilët rezultojnë të vjedhura në Francë dhe Mbretërinë e Bashkuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
