Epidemia e koronavirusit në vendin tonë ka prekur edhe të miturit. Lajmi është bërë i ditur nga shefja e pediatrisë në Spitalin Infektiv Gjeorgjina Kuli.
“Vetëm dy fëmijë, të moshës 0-14 vjeç, kanë rezultuar pozitivë.
Njëri pa shenja, ndërsa tjetri po trajtohet në shtëpi, nuk ka nevojë për shtrim
në spital”, u shpreh Kuli në një lidhje lidhje direkte me studion e emisionit
“Ditari” në A2.
E pyetur për trajtimet kryesore për mjekimin e fëmijëve, Gjeorgjina Kuli tha:
“Do të preferonim paracetamolin, duhen konsumuar shumë lëngje nga fëmijët dhe
ushqim i shumëllojshëm. Këto janë trajtimet kryesore për mjekimin e fëmijëve.”
Shefja e pediatrisë në Spitalin Infektiv ka thënë se nëse fëmija ka shenja të
rënduara të sëmundjes në 4-5 ditët e para atëherë duhet t’i drejtohet mjekut
pediatër apo të telefonojë 127.
“Por, nëse pas 4-5 ditësh fëmija ka shenja të rënduara, si frymëmarrje të
vështirë apo kollë të fortë, duhet të drejtohemi te mjeku pediatër ose duke
komunikuar me 127-n”, u shpreh Gjeorgjina Kuli, ndërsa kur u pyet nëse fëmijët
kanë pavion të veçantë, ajo shtoi “Fëmijët do të kenë pavion të tyre, me hyrje
të veçantë, krejtësisht i izoluar nga pjesa tjetër e spitalit.”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.