.png)
Gazeta Si - Një 40-vjeçar ka rënë nga varka e peshkimit dhe dyshohet se është mbytur mbrëmjen e të dielës pasdite në Porto Romano në Durrës.
Sipas policisë Aurel Ndoni ka qenë duke peshkuar me një varkë të vogël së bashku me vëllanë e tij dhe një person tjetër, por kushtet e motit nuk kanë qenë dhe aq të favorshme. 40-vjeçari kur ka rrëshqitur në ujë është tërhequr nga rryma dhe nuk ka mundur të dalë nga deti.
Shërbimet e Policisë Kufitare dhe ato të Drejtorisë Vendore të Policisë Durrës kanë shkuar menjëherë në vendin e ngjarjes dhe së bashku me polumbarët e RENEA-s kanë kërkuar për gjetjen e trupit, por deri më tani nuk kanë mundur ta gjejnë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
