.png)
Gazeta Si - Një vajzë 22-vjeçare ka shpëtuar për mrekulli, pasi është shtyrë nga një person nga kati i dytë i një hoteli ku po qëndronte. Ngjarja e pazakontë ka ndodhur pasditen e kësaj të marte në Durrës.
Siç bën me dije policia, dyshohet se pas një konflikti fizik, një vajzë e kanë hedhur nga kati i dytë i hotelit. Mësohet se e reja është nga Venezuela dhe se personi që e ka shtyrë është një 39 vjeçar nga Shijaku.
“Rreth orës 14:40, në rrugë, në lagjen nr. 2, dyshohet se për motive të dobëta, janë konfliktuar fizikisht shtetasi I. Z., 39 vjeç, banues në Shijak dhe shtetasja nga Venezuela, D. L., 22 vjeçe. Si pasojë janë dëmtuar lehtë të dy të përfshirët në konflikt, të cilët po marrin asistencë mjekësore në spital. Grupi hetimor po punon për sqarimin e plotë të rrethanave të konfliktit”, mësohet nga blutë e Durrësit.
Fatmirësisht vajza ka rënë mbi çadrën e lokalit që ndodhej aty pranë dhe ka shpëtuar. Sipas burimeve, 39-vjeçari ishte klienti i saj, pasi dyshohet se vajza ushtronte aktivitetin e paligjshëm të prostitucionit. Të përfshira në këtë aktivitet rezultojnë dhe disa vajza të tjera.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
