.png)
Një 24-vjeçar nga Lezha, është identifikuar pas publikimit të një videoje në rrjetet sociale, ku bënte manovra të rrezikshme me mjetin e tij në sensin e kundërt të lëvizjes në aksin rrugor Milot-Mamurras.
Videoja e publikuar nga Policia e Lezhës, tregon se ai ka rrezikuar përdoruesit e tjerë të rrugës, duke prishur rendin e qetësinë publike dhe duke penguar lëvizjen e lirë të automjeteve të tjera.
E sikur të mos mjaftonte akti i papërgjegjshëm i të riut, ai videon e ka postuar edhe në rrjetet sociale. Pas denoncimeve të shumta, policia ka mundur të identifikojë të riun me iniciale D.N., 24-vjeç dhe i ka hequr patentën për dy vite, ndërsa është gjobitur me 60 mijë lekë. Ai është shoqëruar në komisariat dhe do të procedohet penalisht në gjendje të lirë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
