.png)
“Imuniteti kundër koronavirusit po zvogëlohet tek njerëzit që u vaksinuan plotësisht me vaksinën e bërë nga Pfizer në janar për shkak të variantit të përhapur me shpejtësi Delta” tha shefi ekzekutiv i BioNTech, duke konfirmuar të dhënat që dolën nga Izraeli javën e kaluar.
Por edhe ndërsa nivelet e antitrupave po bien shtatë muaj pas imunizimit midis, shumica e tyre do të mbeten të mbrojtur kundër gjendjes së rëndë nga Covid-19 dhe mund të mos kenë nevojë ende për një dozë të tretë, sipas Ugur Sahin, drejtuesi i kompanisë gjermane që shpiku vaksinën.
“Niveli i antitrupave po bie. Mbrojtja e vaksinës kundër variantit të ri është dukshëm më e ulët “, tha Sahin, duke iu referuar njësisë së matjes për antitrupat kundër virusit.
Sahin bëri komentet pasi të dhënat paraprake dolën nga Izraeli që tregojnë se njerëzit që kishin marrë vaksinën në janar kishin tre herë më shumë gjasa të infektoheshin sesa ata që u vaksinuan në maj.
Drejtori i Qendrave Amerikane për Kontrollin dhe Parandalimin e Sëmundjeve, Rochelle Walensky tha në një konferencë në Shtëpinë e Bardhë të enjten se vaksinat ofrojnë një shkallë të lartë të mbrojtjes kundër infeksionit, sëmundjeve të rënda dhe vdekjes edhe nga varianti Delta.
Sipas Sahin është në dorë të qeverive të vendosin nëse do të hapin procesin për administrimin e një doze të tretë, ose të lëjojnë qarkullimin e infeksionit mes njerëzve të vaksinuar duke e ditur që ata nuk do të përjetojnë simptoma të rrezikshme për jetën.
Vaksina BioNTech-Pfizer, e bazuar në atë që njihet si teknologjia e dërguarit ARN, gjeneron imunitet të dyfishtë kundër koronavirusit, mbrojtje kundër infeksionit, e cila sigurohet nga antitrupat dhe mbrojtje në një nivel qelizor, ku të ashtuquajturat qeliza të kujtesës stërviten për të identifikuar mekanizmat mbrojtës të virusit që shkatërrojnë patogjenin sa herë që hyn në trup.
Dobësimi i vijës së parë të mbrojtjes, antitrupat do të thotë që njerëzit e vaksinuar mund të infektoheshin përsëri, por nuk kishte prova që imuniteti i tyre qelizor po binte, pasi që shumica e infeksioneve nuk do të çonin pacientët në gjendje të rëndë.
Një mostër e vogël, të dhënat paraprake të botuara nga Ministria e Shëndetësisë e Izraelit javën e kaluar treguan se pas dy dozave të vaksinës ishte 39% efektive në uljen e rrezikut të infeksionit dhe 40% efektive në zvogëlimin e rrezikut të sëmundjes simptomatike gjatë një periudhe kur varianti Delta llogaritej në shumicën e rasteve.
Izraeli tashmë ka filluar të ofrojë një dozë të tretë për personat me sëmundje kronike dhe ekspertët qeveritarë po studiojnë nëse njëra është e nevojshme për popullatën e gjerë.
“Ky debat duhet të vazhdojë pa ne. Ne do të sigurojmë vetëm të dhëna dhe qeveritë do të duhet të na tregojnë se çfarë duan,” tha ai.
Sahin tha se në rastin ideal vaksina, e cila aktualisht u shitet vetëm qeverive, do të autorizohet për përdorim të gjerë dhe do të bëhet e disponueshme në treg për blerje private.
“Kur vaksina të bëhet e disponueshme në tregun e lirë të gjithë do të jenë në gjendje ta marrin këtë vendim për veten e tyre”, shtoi Sahin.
Burimi:The Wall Street Journal/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje