Novak Djokovic, Roger Federer e Rafael Nadal kanë hartuar një seri propozimesh për t’ia paraqitur ATP-së për krijimin e një fondi mbështetës për kolegët e tyre në vështirësi. Nëse Shoqata e tenistëve profesionistë cakton një milion dollarë për të ndihmuar lojtarët e klasifikuar mes vendeve 150° e 400° të renditjes, treshja më e mirë e botës propozon një kontribut ekonomik për ata që zënë nga vendi i 250 në të 700 në klasifikimin botëror.
“250 lojtarët e parë (të paktën shumica) kanë luajtur këtë vit në Australian Open, që i garanton atyre një shumë parash – ka deklaruar 32 vjeçar serb Djokovic, presidenti i bordit të lojtarëve, në letrën e tij – Është përtej vendit të 250° që zhvillohet lufta e vërtetë financiare dhe këta janë lojtarët që duhet të ndihmojmë. Shumë prej tyre po mendojnë të braktisin tenisin profesionist sepse thjesht nuk mund të mbijetojnë ekonomikisht. Fatkeqësisht, ka shumë lojtarë në grupin mes vendeve 250 dhe 700 që nuk mbështeten nga federatat apo që nuk kanë sponsor. ATP ka rreth 700 anëtarë dhe ne duhet të përpiqemi të kujdesemi për të gjithë. Janë baza e tenisit dhe sportit profesionist”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.