.png)
Gazeta Si - Një kamionçinë është përfshirë nga flakët e zjarrit dhe është djegur tërësisht mëngjesin e këaj të enjteje.
Ngjarja ka ndodhur rreth orës 06:25 në autostradën Lushnjë-Fier pranë fshatit Bishqethëm.
Drejtuesi i mjetit S.M., nga Elbasani nuk ka pësuar lëndime dhe ka mundur të dalë nga kamionçina që u shkrumbua tërësisht.
Kamionçina po udhëtonte drejt Fierit dhe ishte e ngarkuar me mobilje. Drejtuesi ka pohuar se dëgjoi një zhurmë në pjesën e pasme të kamionçinës e më pas ka parë flakët e zjarrit.
Ai njoftoi zjarrfikësit të cilët shkuan në vendngjarje. Por pavarësisht ndërhyrjes, mjeti u dogj.
Dyshohet se shkak i zjarrit mund të ketë qenë një shkëndijë elektrike. Megjithatë, policia është duke hetuar për të zbardhur tërësisht rrethanat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
