Në prag të festës së madhe të përvjetorit të 15-të, Digitalb zbulon surprizën e radhës për të gjithë shqiptarët kudo ndodhen dhe jo vetëm. Së shpejti kompania do të prezantojë produktin e saj më të ri, investimin në teknologjinë OVER THE TOP, OTT, që e bën Digitalb-in të ngjashëm me platformat online të transmetimit si Netflix, HBO, Hulu etj., të cilat kanë filluar të bëhen popullore edhe në vendin tonë.
Shumë shpejt e gjithë libraria e contentit të Digitalb do të jetë e aksesueshme nga çdo pajisje e lidhur me internetin, SmartPhone, Tablet, SmartTV, kompjuter personal etj, duke lënë gjithmonë e më tepër abonentin në kontroll të asaj që sheh.
Zbuloni më tepër sonte në Top Channel, ora 20:15 episodin e fundit të “Unë Besoj” doku serialit që tregon historinë e 15 viteve të para të Digitalb, ku veç të shkuarës sytë janë nga e ardhmja.
Ndërkohë, festa në sheshin Skënderbej ka filluar prej ditësh, nesër finalizohet me koncertin më të madh të vitit, prej orës 18.00. Pas prezantimit të artistëve pjesëmarrës, emrat më të mëdhenj të muzikës moderne, listës i shtohen edhe Soni Malaj, si edhe prezantimi ekskluziv i bashkëpunimit të Luana Vjollcës me artistin me famë ndërkombëtare, Faydee.
Hyrja në shesh është e lirë. Digitalb ju fton të jeni të pranishëm në festën më të bukur të këtyre 15 viteve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.