Diabeti dhe Covid-19, përdorimi i metforminës zvogëlon rrezikun e vdekjes

Ka disa fakte shqetësuese për Covid-19.Një nga këto është fakti që pacientët me sëmundje kronike, përfshirë diabetin tip 2, zhvillojnë forma agresive të infeksionit.
Nga studiuesit në Universitetin e Alabama në Birmingham (SHBA),vjen një zbulim në lidhje me përdorimin e ilaçit metformin për diabetin. Nëse përdoret para se personat të jenë diagnostikuar me Covid-19, do të shoqërohej me një ulje të trefishtë të vdekshmërisë në pacientët me diabet të tipit 2.
Studimi u botua në revistën "Frontiers in Endocrinology" dhe studioi 25,326 persona që kishin dalë pozitiv me Covid-19 në periudhën nga 25 shkurti deri në 22 qershor të vitit të kaluar. Nga 604 individë që rezultuan pozitivë për koronavirus, 311 ishin Afrikano-Amerikanë.
Shkencëtarët zbuluan se Afrikano-Amerikanët ishin 52% e atyre që dolën negativ. Në të kundërt, vetëm 36% e individëve pozitivë Covid i përkisnin popullsisë së bardhë Kaukaziane. Sidoqoftë, nuk u vërejt ndonjë ndryshim i rëndësishëm në vdekshmëri. 93% e vdekjeve ndodhën tek njerëzit mbi moshën 50 vjeç. Rreziku i vdekjes ishte i lartë për burrat, veçanërishtpër ata që vuanin nga hipertensioni dhe diabeti. Studiuesit kanë përqendruar kështu vëmendjen në trajtimin e diabetit më saktësisht, në insulinën dhe metforminë.
Sondazhi zbuloi se përdorimi i metforminës kontribuoi në një ulje të konsiderueshme të shanseve për të vdekur. Për më tepër, vdekshmëria prej 11% për përdoruesit e këtij ilaçi ishte dukshëm më e ulët sesa rreziku i vdekjes prej 23% për pacientët me diabet dhe jo të mjekuar me këtë ilaç.
"Këto rezultate tregojnë që, ndërsa diabeti është një faktor i pavarur rreziku për vdekshmërinë e lidhur me Covid-19 ky rrezik zvogëlohet në mënyrë drastike në subjektet që marrin metforminë. Kështu që ekziston një mundësi që metformina të sigurojë një qasje mbrojtëse ndaj popullatave me rrezik të lartë,"thotë Anath Shalev, drejtor i Qendrës Gjithëpërfshirëse të Diabetit në universitet.
Burimi:Il Giornale/Përktheu:Gazeta "Si"

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.