Gazeta Si – Ndeshja-titull e Serisë A është vendosur nga një devijim i mbrojtësit të Juventusit, Gati. Zikaltrit tani shkojnë 4 pikë para dhe kanë një ndeshje më pak.
Derbi i Italisë, i vlefshëm për javën e 23-të të kampionatit, shkon për Interin. Skuadra e Simone Inzagit mund sot 1-0 Juventusin në ‘San Siro’ dhe nis kështu arratisjen në krye të klasifikimit.
Ndeshja ishte e ekuilibruar në tërësi. Vendimtar episodi i minutës së 37-të, kur Gati, në tentativë për të ndërhyrë para Turam, e dërgoi topin në rrjetën e Sheznit me gjoks.
Për pjesën e dytë duhet përmendur një shtyllë e Hakan Çalhanoglu, ndërsa rezultati nuk ndryshoi dhe Interi shkon kështu në kuotën e 57 pikëve. Juventusi mbetet me 53 pikë.
Kristjan Aallani, mesfushori i Kombëtares shqiptare, pavarësisht paraqitjes së mirë ndaj Fiorentinës, nuk u aktivizua asnjë minutë në këtë ndeshje nga trajneri Inzagi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
