.png)
Gazeta Si- Një 27-vjeçar është proceduar penalisht në gjendje të lirë nga policia e Vlorës. I riu bëri një kallëzim se në Zvërnec se i kishin vjedhur automjetin “Range Rover” me targa italiane me vlerë 60 mijë Euro.
Për këtë arsye, policia nisi punën dhe konstatoi se i riu kishte bërë kallëzim të rremë.
Ai synonte që të përfitonte kompensim me vlerë 60 mijë euro nga kompania e siguracionit të makinës. Rezultoi se makina ishte fshehur nga ai në një garazh në Tiranë.
“Në vijim të veprimeve, u referuan materialet në Prokurori ku nisi procedimi në gjendje të lirë për shtetasin K. Ç., 27 vjeç, banues në Itali”, tha policia në njoftim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
