.png)
Gazeta Si – Përparim Ademi shtë dënuar me burg përjetë nga Gjykata e Tiranës, pasi më 31 dhjetor 2020 vrau dy motra në zonën e Astirit në kryeqytet.
Kjo ishte masa e dënimit e kërkuar edhe nga prokuroria për 60-vjeçarin, i cili u shpall fajtor për vrasjen e motrave Kristina Bardhi dhe Zhaneta Metani.
Ngjarja ndodhi në Tiranë thuaje dy vjet më parë, siç dyshohet për shkaqe xhelozie, pasi autori kishte një raport me njërën prej viktimave, e cila i kishte kërkuar ndarjen.
Sipas rindërtimit të ngjarjes, Ademi ka shkuar me armë zjarri në ambientet e apartamentit ku jetonin Zhaneta Metani dhe Kristina Bardhi.
Ai ka nisur të qëllojë drejt derës së apartamentit ende pa u hapur dhe pasi ka hyrë brenda ka qëlluar me breshëri plumbash edhe ndaj tyre duke i lënë të vdekura në vend. Shqiptaro-maqedonasi u arrestua disa orë pas krimit nga Policia e Tiranës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
