.png)
Prokuroria e Krimeve të Rënda ka ankimuar në Gjykatën e Apelit për Krimet e Rënda vendimin ndaj ish-ministrit të Brendshëm, Saimir Tahiri, dhe ish-drejtorit të Policisë së Vlorës, Jaeld Çela.
Prokuroria ka ankimuar vendimin për dënimin me 3.4 vite shërbim prove të ish-ministrit Tahiri.
Prokuroria kërkoi dënimin me 12 vite burg për ish-ministrin Tahiri, dënim i cili zbriste në 8 vite, pasi ishte pranuar kërkesa e Tahirit për gjykim të shkurtuar.
Ndërkohë, Gjykata e Krimeve të Rënda rrëzoi pretencën e Prokurorisë, duke dhënë 3.4 vite shërbim prove për ish-ministrin. Trupa gjykuese e liroi ish-ministrin nga tri akuzat e rënda, ajo e “krijimit të grupit të strukturuar kriminal”, “korrupsion i zyrtarëve të lartë” dhe “bashkëpunim në trafik droge”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
