Gazeta Si – Dy mjete u bllokuan një ditë më parë nga dëbora e madhe në Vithkuq, në zonën e Mashkullorës. Një nga xhipat që tentuan të kalonin zonën për të shkuar në Korçë rrëshqiti dhe ra në kanal.
Me këtë makinë udhëtonte një familje me 5 anëtarë, që dolën nga mjeti pa lëndime. Xhipi tjetër, me të cilin udhëtonin 13 persona, u kthye me vështirësi nga rruga. Bashkë me familjen prej 5 personash ata u kthyen sërish në fshatin Panarit.
Borëpastruesja që shkoi për të hapur rrugën dhe për të ndihmnuar në lëvizjen e mjeteve të bllokuara, ngeci edhe ajo nga bora dhe stuhia e erës.
Sot shkuan në vend dy borëpastruese të tjera, që bënë të mundur hapjen e rrugës dhe nxjerrjen e xhipit dhe borëpastrueses së bllokuar dje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.