.png)
I shpallur si filmi i parë me metrazh të gjatë i xhiruar në Los Anxhelos gjatë pandemisë, “Songbird” (Zogu këngëtar) është një trill-horror që imagjinon të ardhmen e krizës së koronavirusit. Filmi me regji nga Adam Mason e gjen botën të goditur nga .... bëhuni gati... virusi COVID-23, i cili ka pësuar mutacion dhe e ka detyruar popullatën në të katërtin vit të izolimit.
Në këtë realitet të ashpër, i cili padyshim nuk do të ndihet aq i huaj nga kushtet aktuale politike apo ankthi që i shkakton kujtdo që e sheh, amerikanët e infektuar largohen prej shtëpive të tyre nga qeveria dhe vendosen në kampe karantine. Për fat të mirë, teknologjia LG ekziston ende, duke e bërë botën një vend më të mirë.
Mes këtij peizazhi distopik, një korrier i patrembur, Nico (KJ Apa), i cili është imun ndaj patogjenit vdekjeprurës, gjen shpresë dhe dashuri me Sarën (Sofia Carson), megjithëse izolimi i saj i ndalon ata të kenë kontakt fizik. Kur Sara besohet të jetë infektuar, Nico rend me dëshpërim nëpër rrugët e zbrazëta të Los Anxhelosit në kërkim të së vetmes gjë që mund ta shpëtojë atë nga burgosje ... ose edhe më keq.
Në filmin “Songbird” interpretojnë aktorë si Bradley Whitford dhe Demi Moore, si një çift i pasur që mund të kenë çelësin e misionit të Nicos; Alexandra Daddario si këngëtare e përfshirë në një çështje të ndaluar; Paul Walter Hauser si një veteran me aftësi të kufizuara, shoku i tij më i mirë - një dron me emrin Max - është sytë dhe veshët e tij drejt një bote që e ka lënë atë pas; Craig Robinson si shefi i Nicos; dhe Peter Stormare si shefi i korruptuar i departamentit të “kanalizimeve” të qytetit, i cili kap të infektuarit dhe i transporton ata në Zonën Q.
Traileri i parë sillet rreth kufizimeve të nevojshme për një prodhim të koronavirusit duke izoluar shumicën e personazheve dhe zhytur në një botë, ku të gjithë komunikojnë përmes video-thirrjeve. Ndoshta kjo është një gjë që do të dëshironit ta shihnit.
Në botën distopike të filmit “Songbird”, numri i vdekjeve ka arritur në 8.4 milionë brenda një viti, ndërsa bota ka hyrë në të katërtin vit të izolimit. Filmi i zhvillon ngjarjet më 2024-n, ndërsa koronavirusi i ri, është emërtuar Covid-23.
“Është një botë distopike, e frikshme, por është një film romantik për dy njerëz që duan të jenë së bashku, por nuk munden”, është shprehur Adam Mason. “ Është “ Romeo dhe Zhuljeta”, por ata janë të ndarë nga porta e saj dhe nga virusi”.
Gjatë xhirimit të filmit për një pandemi gjatë një pandemie, Mason tha që kufizimet e vendosura nga udhëzimet COVID-19 i kujtuan atij setet paraprake për të cilat kishte punuar. “Unë normalisht bëj vetë ndriçimin dhe kamerën”, tha ai. “Kështu që, jam mësuar të jem shumë afër aktorëve dhe të filmoj në këtë mënyrë shumë intime, e cila ishte e përshtatshme për filmimin gjatë rregulloreve të mbylljes. E pashë tepër çliruese sepse të gjithë ishin aq të lumtur që u përfshinë". Provat janë realizuar përmes lidhjeve në Zoom dhe aktorët nuk kanë qëndruar pranë njëri-tjetrit gjatë xhirimeve. Filmi nuk ka ende një datë për daljen në kinema, ndërsa situata me Covid-19, po e çon sërish botën në karantinë, me shtetet që po prezantojnë masa të pjesshme izolimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
