Kryeministri suedez tha të mërkurën se qeveria e tij do të paraqesë një propozim ligji që do të ndalonte shitjen e alkoolit pas orës 22:00 në bare, restorante dhe klube nate nga 20 nëntori si një masë për të frenuar përhapjen e COVID-19.
“Ne po përballemi me një situatë që rrezikon të bëhet e zezë dhe për këtë duhet të bëjmë diçka.” tha Stefan Lofven.
Suedia ka pasur një numër rekord të rasteve të reja të koronavirusit në javët e kaluara, gjë që po rëndon sistemin e kujdesit shëndetësor të vendit.
"Të gjitha indikacionet tregojnë një situatë negative.” tha Lofven në një konferencë të përbashkët shtypi me Ministren e Çështjeve Sociale Lena Hallengren.
Hallengren tha se veçanërisht baret dhe klubet e natës, janë "mjedise me rrezik" prandaj një masë e tillë është e nevojshme.
Më herët kryeqyteti suedez rivendosi që të mos shkojnë më familjarët për të vizituar të moshuarit nëpër shtëpitë e kujdesit pasi u raportua një rritje e rasteve të reja në këto ambiente në Stokholm.
Në përgjithësi, vendi me 10 milion banorë ka raportuar 166,707 raste dhe 6,082 vdekje që nga fillimi i pandemisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.