.png)
"Ne i mbajmë premtimet tona. Komisioni Evropian ka mbyllur marrëveshjen e parë për blerjen e deri në 400 milion doza të vaksinës së ardhshme kundër Covid-19", tha Presidentja e Komisionit Europian, Ursula von der Leyen.
"Ne jemi të përkushtuar për të ruajtur shëndetin e evropianëve dhe partnerëve tanë globalë", komentoi ajo në Twitter.
Më herët u njoftua e Bashkimi Evropian ka arritur marrëveshje me kompaninë AstraZeneca për blerjen e të paktën 300 milionë dozave të vaksinës potenciale kundër COVID-19.
Komisioni Evropian, i cili po negocion në emër të 27 vendeve anëtare të BE-së, tha se marrëveshja përfshin mundësinë për të blerë edhe 100 milionë doza shtesë nëse vaksina e kësaj kompanie rezultonte e sigurt dhe efektive.
Marrëveshja e BE-së pason një marrëveshje fillestare me AstraZeneca të arritur në qershor nga Aleanca Gjithëpërfshirëse e Vaksinave e Evropës (IVA), një grup i formuar nga Franca, Gjermania, Italia dhe Holanda për të siguruar doza të vaksinave për të gjitha vendet anëtare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
