.png)
Në vendin tonë gjatë mbrëmjes të së martës u krijua një situatë e rënduar meteorologjike. Moti ka ndryshuar në çast 360 gradë dhe stuhitë kanë prekur qytetet të ndryshme. Më të shqetësuarit nga kjo situatë kanë qenë pushuesit. Qytetet më të prekura nga stuhitë janë Vlora, Shkodra, Durrësi, Burreli, Velipoja dhe Lezha, ku erërat e forta kanë dëmtuar edhe linjat elektrike, duke lënë në terr shumë qytete.
Gjatë javës së kaluar të gjitha qytetet Europiane u përgatitën për një valë të jashtëzakonshme të nxehtësisë, pasi meteorologët paralajmëruan që se i nxehti afrikan do të përfshinte të gjithë kontinenti. Autoritetet kombëtare të motit në Belgjikë, Çeki, Francë, Gjermani, Itali, Spanjë, Zvicër dhe në vendin tonë paralajmëruan të njëjtat vlera nxehtësie, duke këshilluar njerëzit që të shmangin aktivitetet në mesditë dhe pasdite, të pinë sa më shumë ujë dhe të qëndrojnë në ambiente të mbyllura.
E ndërsa moti duket do të jetë i bukur në veri të Europës përgjatë këtyre ditëve, vendet në lindje dhe jug po bën të tjera llogari; si të përgatitet për të përballuar të ftohtin dhe reshjet e dendura.
Në vendin tonë si rezultat i erës janë rrëzuar edhe disa pemë të cilat kanë rënë mbi veturat të cilat ishin në lëvizje. Situata paraqitet më problematike edhe në qytetin e Sarandës, pasi pushuesit janë kapur të papërgatitur nga stuhia e cila ka nisur befasisht duke rrëzuar pemë dhe materiale nga çatitë e banesave e pallateve dhe kanë vrapuar për të arritur tek hotelet ku qëndronin.
Meteorologjia Rezarta Xhakollari shprehet për Gazetën “Si” se moti relativisht i paqëndrueshëm dhe i freskët do të na shoqërojë deri në fundjavë. Xhakollari shpjegon se temperaturat do të luhaten në zonat malore me rreth 12-26 gradë, në zonat e ulëta 15-32 gradë dhe në zonat bregdetare 17-31 gradë celsius. Ndërsa, meteorologët bëjnë me dije se i njëjti mot do të vazhdojë në të gjithë vendet e tjera evropiane.
Mediat greke raportuan ditën e djeshme se nga moti i keq në gadishullin Halkidiki humbën jetën gjashtë turistë, mes tyre dhe dy fëmijë dhe janë plagosur mbi 100 persona të tjerë.
Ndërsa në Itali tetëmbëdhjetë persona kanë përfunduar në sallën e emergjencës për shkak të plagëve të shkaktuara nga stuhia e breshërit dhe madhësia e tij ishte përafërsisht sa një kokërr portokall. Breshëri ka shkaktuar dëme të konsiderueshme në makina dhe shtëpi.
Moti i paqëndrueshëm dhe i vështirë është ndjerë edhe në vende të tjera të Ballkanit si Mali i Zi, Kroacia dhe Bosnja e Hercegovina, ndërkohë që sistemi i stuhive dhe po lëviz edhe me tej drejt Europës lindore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
