.png)
Gazeta Si – Mesfushori danez, Christian Eriksen u rrëzua në fushë gjatë ndeshjes miqësore të ekipit të tij kombëtar kundër Ukrainës në Odense të Danimarkës mbrëmjen e të dielës.
Rreth minutës së 65-të, ai preku gjoksin dhe më pas u rrëzua në tokë. Futbollisti u rrethua menjëherë nga shokët e ekipit, u trajtua dhe u dërgua në spital pasi hipi vetë te një ambulancë.
Federata Daneze e Futbollit tha se ai mbetet i vetëdijshëm. Ndeshja, një miqësore, u pezullua menjëherë. Në një deklaratë të publikuar në faqen zyrtare të federatës, mjeku i ekipit kombëtar, Morten Boesen tha: “Fola me Christian këtë mëngjes dhe ai është mirë. Ai është me familjen e tij dhe me humor të mirë” Boesen përfundoi: “Ai mund të dalë shpejt nga spitali dhe të kthehet në shtëpi”.
Denmark 🇩🇰 and Ukraine 🇺🇦 players thank the fans together after the match was suspended following Christian Eriksen's collapse 💛🙏
— 433 (@433) June 7, 2026
🎥 @ZoryaLondonsk pic.twitter.com/7d46riJp3k
Eriksen është 34 vjeç dhe në vitin 2021, kur luante për Interin, pësoi një atak kardiak gjatë ndeshjes së Kampionatit Evropian midis Danimarkës dhe Finlandës.
Megjithatë, ai humbi ndjenjat dhe iu bë reanimim kardiak në fushë, ku pak më vonë rifitoi vetëdijen në spital.
Eriksen kishte rifilluar të luante me një defibrilator nënlëkuror, një pajisje që monitoron ritmin e zemrës dhe, nëse zbulon një aritmi, dërgon një goditje elektrike në zemër për ta korrigjuar atë.
Pasi u largua nga Interi, ai u stërvit me Chiasson në Zvicër dhe më pas me Ajax në Holandë për t’u rikthyer në formë.
Në janar 2022, ai nënshkroi një kontratë me Brentford, një klub i vogël londinez që luante në sezonin e tij të parë në Premier League.
Disa muaj më vonë, ai u transferua te Manchester United dhe që nga viti i kaluar luan për klubin gjerman Wolfsburg.
Morten Boesen, mjeku i ekipit kombëtar danez, tha se pajisja e Eriksen funksionoi siç duhet. Ai shtoi se lojtari humbi vetëdijen të dielën, por rifitoi vetëdijen pak më pas dhe se tani do t’i nënshtrohet testeve për të përcaktuar shkakun e sëmundjes së tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje