.png)
Të dielën, më 15 nëntor, në Netflix, filloi sezoni i katërt. Josh O'Connor, aktori që luan Princin Charles, parashikon se si karakteri i tij ndryshon.
Duke parë sezonin e katërt të “The Crown” përshtypja që dikush mund të krijojë është se tre të mëparshmit kanë qenë një lloj prologu shumë i gjatë.
Sikur të kishte rikthyer historinë e monarkisë britanike nga vdekja e George VI deri në fund të viteve 1970, duke kaluar përmes hyrjes në fronin e një Elizabete shumë të re, arratisjet e Filipit, lindja e trashëgimtarëve, aventurat e Margaret dhe e gjithë banda mbretërore nuk kishte shërbyer për asnjë qëllim tjetër përveç për të arritur në hyrje të asaj vajze të vogël të destinuar të bëhej një nga figurat më të dashura, të admiruara dhe me ndikim të femrave të shekullit XX: Zonja Diana. Ajo shihet duke u shfaqur nga episodi i parë, e maskuar si një pemë për provën e ëndrrës së një nate vere: më romantikja do të ngazëllehet, më cinikja do të fillojë të gjykojë ngjashmërinë midis “princeshës së njerëzve” dhe Emma Corrin (Aktorja angleze e zgjedhur për rolin e Dianës), sigurisht që sytë e të gjithëve do të drejtohen tek ajo.
Charles, një nga personazhet më kompleksë
Po princi Charles? “Ne e lamë atë në fund të sezonit të kaluar në qendër të një intrige mbretërore për të ndikuar në marrëdhënien e tij me Camilla”, thotë Josh O'Connor, aktori britanik që luan rolin aristokratik. “Ne e gjejmë atë tani, me të dashurën e tij, tashmë e martuar me Andrew Parker Bowles, dhe atë duke jetuar si playboy”. I pavendosur, i vetmuar, i dërrmuar nga figura e babait, gjithmonë i vendosur mes dashurisë për veten dhe ndjenjës së detyrës, Princi i ardhshëm i Uellsit është mbase një nga personazhet më kompleksë me të cilin krijuesi i serisë, Peter Morgan, duhej të matej: “Shpresoj që në fund shikuesit të kuptojnë historinë e atyre dy shpirtrave të humbur, të cilët disi u manipuluan. Charles dhe Diana (do të interpretohet nga aktorja Australiane Elizabeth Debicki në sezonet e ardhshme 5 dhe 6) të dy kishin nevojë për diçka që nuk mund ta kishin, kështu që nuk funksionoi mes tyre. Falë Peter, shikuesit do të jenë në gjendje të perceptojnë zhgënjimin e trashëgimtarit të fronit dhe, në fund të fundit, të ndiejnë ndjeshmëri edhe për karakterin tim”, shton O'Connor.
Helena Bonham Carter është Margaret
Ajo që është e sigurt është se rolet mashkullore do të jenë akoma sekondarë këtë sezon të katërt, falë kastit të aktoreve: përveç fitueses së Oskarit Olivia Colman - gjithmonë e pamasë në interpretimin e saj të Elizabeth II - gjejmë Helena Bonham Carter në rolin e Princeshës Margaret dhe, hyrja e re e shumëpritur, Gillian Anderson e cila do të jetë Margaret Thatcher (përsëri në temën e grave që kanë shënuar historinë e shekullit të kaluar).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
