.png)
Nga Gazeta ‘Si’ - Ushtria e Ukrainës ka akuzuar Rusinë se ka nisur një sulm me raketa balistike interkontinentale në qytetin Dnipro.
“Sulmi ka nisur nga krahina Astrakhan, brenda territorit të Federatës Ruse”, tha Forca Ajrore e Ukrainës në një deklaratë. Ushtria ukrainase tha gjithashtu se janë lëshuar edhe raketa të tjera balistike, të cilat janë rrëzuar dhe nuk kanë shkaktuar dëme.
BREAKING This morning, Ukrainian city of Dnipro was hit by an intercontinental ballistic missile, from the Astrakhan region of the Russian Federation. It was the first time since the start of the full-scale invasion.
— Ukraine Front Line (@EuromaidanPR) November 21, 2024
Earlier, it was announced about the possible use of the RS-26…
Raketat balistike interkontinentale janë armë me rreze të gjerë veprimi që lëshohen në hapësirë dhe më pas nga aty lëshojnë predhat që rifuten në atmosferë dhe godasin objektivin.
Ato vlerësohet se kanë një rreze veprimi minimalisht 5500 kilometra por sipas Qendrës për Kontrollin e Armëve, disa raketa specifike mund të arrijnë deri në 9000 kilometra.
Këto raketa lëshohen nga platforma të vendosura nëntokë apo mjete lëvizëse. Raketa e parë balistike interkontinentale është lëshuar në vitin 1957 nga Bashkimi Sovjetik. Dy vite më vonë edhe Shtetet e Bashkuara të Amerikës lëshuan një raketë të tillë.
Lloje të tjera raketash balistike përfshijnë ato me rreze të ndërmjetme (3-5 mijë kilometra), rreze të mesme (1-3 mijë kilometra) dhe rreze të shkurtër (më pak se 1000 kilometra).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
