Shendet

Lidhja mes abuzimit me kanabis dhe çrregullimeve mendore

Një hulumtim i botuar këto ditë në revistën mjekësore prestigjioze “The Lancet Psychiatry” sugjeron një lidhje midis konsumit të fortë dhe të përditshëm të kanabisit dhe normave më të larta të incidencës së psikozës, në shumë vende europiane dhe në Brazil. Pirja e cigares së kanabisit çdo ditë do të prodhonte deri në pesë herë më shumë rrezikun e zhvillimit të një çrregullimi psikotik në krahasim me mopërdorimin e substancës.

Në përgjithësi, një rast i ri i çrregullimeve psikotike, nga pesë në të gjitha qytetet e ekzaminuara mund të ishte parandaluar nëse përdorimi i përditshëm i kanabisit do të ishte shfuqizuar.

Megjithatë, kini kujdes: nëse është e vërtetë se përdorimi i kanabisit duket të jetë i lidhur me një rrezik në rritje të një çrregullimi të mëvonshëm psikotik, nuk është e qartë nga ky studim nëse kjo do të rriste incidencën e çrregullimit.

Autorët e studimit vlerësuan 11 studime të botuara nga 2010 deri 2015, të cilat së bashku përfshinë 901 njerëz në qytete të shumta europiane, të cilët ishin diagnostikuar me të paktën një episod të psikozës. Hulumtuesit mandej pyetën subjektet nëse ata kishin përdorur ndonjëherë kanabis, kur ata filluan ta përdorin atë, sa shpesh e konsumonin dhe çfarë lloj produkti pinin, duke ndarë këto të fundit në dy kategori: produkte me fuqi të ulët (THC <10%) dhe fuqi të lartë (THC ≥10%).

U zbulua se njerëzit që kishin tymosur marijuanën çdo ditë ishin tri herë më shumë gjasa të kishin një episod psikotik sesa ata që kurrë nuk kishin marrë kanabis. Grupi i kontrollit përbëhej nga 1,200 njerëz pa përvojë paraprake të psikozës. Për më tepër, ky rrezik rritej në mesin e atyre që filluan pirjen e duhanit në adoleshencë dhe atyre që kanë pirë cigare kanabis intensivisht për një kohë të gjatë, dmth me mbi 10% THC.

Përqendrimi i THC është një aspekt i rëndësishëm nga pikëpamja e pasojave shëndetësore. Gjatë dyzet viteve të fundit, THC është rritur nga 5% në mbi 60% për varietetet më të forta të barit.

Qytetet ku korrelacioni shfaqet më me forcë janë; Amsterdami dhe Londra. Më shumë se gjysma e rasteve të psikozës në kryeqytetin holandez lidhen me konsumin e përditshëm të kanabisit, si dhe 30% e psikozave në mesin e anglezëe. Në Holandë, përmbajtja e THC-së arrin në 67% në të ashtuquajturën Nederhash, hashash i prodhuar në Holandë, 22% në Nederëiet, ndërsa varieteti Skunk ka një përmbajtje mesatare THC prej 14% dhe përfaqëson 94 % të tregut të kanabisit në Londër.
Disa të dhëna gjithashtu kanë të bëjnë me Italinë, në veçanti Bolonjën dhe Palermon. Lajm i mirë është se Bolonja tregon normat më të ulta në përdorimin e përditshëm të kanabisit dhe produkteve me fuqi të lartë THC. Vetëm 3 nga 65 kontrollet e kryera në Bolonjë tymosnin çdo ditë, dhe vetëm 2% merrnin kanabis me fuqi të lartë. Për të bërë një krahasim me Amsterdamin, përqindja e këtyre përdoruesve të fundit është 50%.

Këto të dhëna sigurisht që do të trajtohen me kujdes. Studimi nuk është në gjendje të vlerësojë nëse subjektet me më shumë gjasa për të shfaqur simptomat psikotike posedojnë një predispozitë të përbashkët për përdorimin e kanabisit. Me fjalë të tjera, është e mundur që njerëzit që janë më të predispozuar ndaj simptomave të psikozës mund të gjejnë “ngushëllim” tek marihuana.

Një tjetër studim i vitit 2017 nga Akademia Kombëtare e Shkencës, Inxhinierisë dhe Mjekësisë kishte theksuar një lidhje mes marihuanës dhe psikozës, ndonëse autorët ishin të kujdesshëm të vërenin se kjo lidhje varet kryesisht nga doza dhe nga fakti se disa njerëz më të prirur ndaj simptomave e psikozës mund të ketë më shumë gjasa të pihet më shumë marihuanë, sesa e kundërta.

Për më tepër, subjektet e studimit u bazuan në qytetet europiane, ku përkundër disponueshmërisë së kanabisit me fuqi të lartë, shitja mbetet e zakonshme e paligjshme dhe nga tregu i zi nuk ka asnjë mënyrë për të ditur nëse kanabis përmban kontaminantë të tillë si pesticide.

*Burimi: Il sole 24 ore

 

Më Shumë