Është luajtur edhe ndeshja e dytë e finaleve të play off-it në kampionatin amerikan të basketbollit, NBA. Pas humbjes në sfidën e parë, kampionët në fuqi të Golden Stejt Uorriërs janë kundërpërgjigjur, duke fituar në shifrat 104-109 me Toronton. Me këtë triumf shkon në baraspeshë totale bilanci i këtyre përballjeve finale 1-1.
Më i miri në parket për kampionët në fuqi ishin të zakonshmit Stefën Kerri dhe Tomson, që shënuan nga 2 dhe 25 pikë, por ishin shumë të rëndësishëm edhe në fazën defensive. Performanca e të dyve e bën të pavlefshme formën e shkëlqyer të Leonard për Toronton, që i vetëm nuk e shpëtoi ekipin e tij nga humbja.
Kjo fitore në ndeshjen e dytë për Golden Stejt është shumë e rëndësishme, pasi ia doli që të marrë një fitore në dy ndeshjet e para që i kishte në transfertë. Tashmë kampionët në fuqi do t’i luajnë dy ndeshjet e radhës në shtëpinë e tyre, ku kanë mundësinë t’i hipotekojnë këto finale. Gjithsesi për Golden Stejt edhe nëse arrin të fitojë të dyja ndeshjet në shtëpi sërish do të rikthehet në Toronto për ndeshjen e pestë që mund të jetë decizive për fatin përfundimtar të finaleve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.