.png)
Gazeta Si - Gjykata e Fierit ka lënë në burg dy të arrestuarit, Shpëtim Kalemi dhe Pandeli Petani, të cilët u ndaluan në kuadër të operacionit policor të koduar “Vlera” ku u gjetën dhe sekuestruan piktura e ikona me vlerën e 1.5 milionë eurove.
Në seancën e zhvilluar këtë të premte, i pandehuri Kalemi ka paraqitur kuponat e blerjes dhe zhdoganimit, duke mohuar akuzat.
Gjyqtarja Miranda Nakaj, pasi ka dëgjuar akuzën dhe mbrojtjen ka vendosur që të dy shtetasve t’u jepet masa e sigurisë “arrest në burg”.
Në përfundim të seancës, avokati Ermal Hamataj, që mbron interesat e Shpëtim Kalemit, ka pohuar se gjithka është një “show’ i nisur nga Drejtoria e Policisë Fier.
Sipas tij, janë arrestuar persona të paarsimuar, në kushte ekstreme të varfërisë, të cilët nuk e dinë vlerën e ikonave e jo më të merren me trafikimin e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
