Automjetit të Elton Debreshit , i cili kandidoi si i pavarur në zgjedhjet e 25 prillit, i është vënë lëndë plasëse. Policia njofton se të premten (27 gusht), rreth orës 01.00 ka shpërthyer një lëndë plasëse që ishte vendosur në pjesën e pasme të automjetit të Debreshit.
Ngjarja ndodhi në fshatin Dushaj, lagjja "Kodra e Danit". Mjeti tip "Benz" në pronësi të Debreshit ishte parkuar pranë banesës së tij.
Sasia e lëndës plasëse ka qenë e vogël e për pasojë ka pasur vetëm dëme materiale. Policia ka shoqëruar disa persona në komisariat që mund të kenë dijeni për rrethanat e ngjarjes.
Debreshi aktualisht është kryetar i Sindikatës së Minatorëve të Bashkuar të Bulqizës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.