.png)
Që kur u bashkua me Liverpulin, fama e Mohamed Salah ka njohur vetëm rritje me ritme të shpejta. Edhe më parë egjiptiani konsiderohej një nga sulmuesit më të mirë në Europë, por rezultatet e arritura me fanellën e të kuqve e bëjnë atë një beniamin absolut në “Anfield”. Përveç gjërave të bukura në fushë, ai bën të vetën edhe jashtë saj për t’u vlerësuar nga të tjerët. Nga Anglia vjen një histori që tregon bujarinë e lojtarit.
Sipas “Sportbible”, sulmuesi i Liverpulit ka bërë të lumtur shumë persona. Si? Shumë persona kanë mbushur sarbatorin e makinës me benzinë dhe pagesën e ka bërë Salah. Një gjest i vogël, që tregon se egjiptiani është gati t’i ndihmojë njerëzit në çdo moment. Në postimet e njerëzve të ndryshëm në rrjetet sociale shfaqet Mohamed Salah në një pikë karburanti afër qendrës sportive të Liverpulit. Kur ka paguar benzinën për makinën e tij, ai ka paguar edhe për klientët e tjerë që ishin në distributor.
Nuk kanë munguar komentet nga tifozët e Liverpulit për gjestin e kampionit të tyre. “Bravo egjiptianit!”, – shkruante dikush. Ka pasur edhe nga që kanë shprehur keqardhjen që nuk kanë qenë në pikën e karburantit në atë moment: “Sa keq, kalova aty pikërisht dje dhe nuk e takova. Do ta kisha sarbatorin plot!”. Ylli i Liverpulit vazhdon të shkëlqejë, brenda dhe jashtë fushës.
Burimi: Gazzetta dello Sport / Përktheu: Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
