Marrëveshja mbi divorcin nga BE, e arritur në nëntor nga kryeministrja Theresa May dhe që i siguronte Britanisë së Madhe një dalje të rregullt nga unioni, është rrëzuar në mbrëmje në Parlamentin britanik, pasi 230 deputetë votuan kundër saj.
432 deputetë votuan në total për marrëveshjen, e cila përcakton kushtet e daljes së Britanisë nga BE më 29 mars, ndërsa rezultati i votimit po vlerësohet si humbja më e keqe për një qeveri në historinë britanike. Konservatorët mbështetës të Brexit u bashkuan me partitë e opozitës dhe Partinë e Bashkimit Demokratik për të shkelur qeverinë në “votimin domethënës”, të cilin kryeministrja May e shtyu pak para Krishtlindjes me shpresën e kotë për të fituar terren.
Kjo disfatë e May-t për t’i siguruar Britanisë shmangien e një katastrofe nëpërmjet daljes pa marrëveshje nga BE vjen dhjetë javë para kohës kur vendi parashihet të lërë bllokun.
Një vendim i tillë ka ardhur edhe pse May u kishte bërë thirrje të gjithë politikanëve ta mbështesin marrëveshjen e saj.
Kryeministrja britanike iu adresua deputetëve të Parlamentit, në përpjekjen e fundit të saj për të siguruar mbështetje për marrëveshjen, duke thënë se një referendum i dytë do të krijonte një përçarje të mëtejshme.
Pas votës negative, Theresa May nuk ka ndër mend të dorëhiqet dhe do të presë votën e së martës që vjen për të parë nëse ekzekutivi ka akoma mbështetjen e mazhorancës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.