.png)
Një nënë 26-vjeçare nga Durrësi e cila ishte zhdukur prej një jave është gjetur në Labinot Mal Elbasan.
Kërkimet e Policisë filluan menjëherë pas denoncimit të familjarëve të saj se ajo ishte larguar nga banesa.
“Nga informacionet e grumbulluara si rezultat i veprimeve hetimore të kryera, më datë 27.11.2021, rreth orës 23:30, u bë gjetja dhe kapja e shtetases të shpallur në kërkim A. C., banuese në lagjen Nr. 13, Durrës”, thuhet në njoftimin e policisë.
Ndërkohë ka nisur procedimi penal pasi ka braktisur 2 fëmijët e mitur dhe ishte larguar me dëshirën e saj.
“Për këtë shtetase filloi procedimi penal sepse më datë 22.11.2021, ka braktisur 2 fëmijët e mitur dhe ishte larguar me dëshirën e saj duke bashkëjetuar me shtetasin A. K., banues në Labinot Mal Elbasan”, vijon më tej njoftimi.
Policia thotë se materialet i kaluan Prokurorisë pranë Gjykatës së Shkallës së Parë Durrës për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
