Simboli i qytetit të Parisit, Kulla Eifel, festoi mbrëmë 130-vjetorin e saj me një shfaqe spektakolare të mundësuar nga drita të shumta. Shfaqja do të vazhdojë deri të premten, për të kujtuar historitë e këtij simboli.
Çdo vit, rreth 6 milionë vizitorë vijnë në Francë, vetëm për të vizituar kullën Eifel. Kulla e punuar me hekur ishte ideja e inxhinierit Gustave Eiffel, i cili e krijoi atë për Panairin Botëror në vitin 1889. Në atë kohë, Kulla Eifel ishte ndërtesa më e lartë në botë dhe sot cilësohet si struktura e dytë më e lartë në Francë, pas urës Viaduct Millau.
Kulla Eifel u përurua më 1 prill. Megjithëse tani është monumenti më i njohur dhe më i fotografuar në botë, shkrimtarët Guy de Maupassant dhe Alexandre Dumas e kritikuan atë duke e cilësuar si një “makth të tmerrshëm” në zemër të Parisit.
Ndoshta këto 10 fakte nuk i keni ditur për këtë kullë:
1- Në majë të saj gjendet një apartament sekret. Në majë të kullës gjendet një bar ku mund të pini shampanjë.
2- Kulla Eiffel ka një lartësi 324 metra, pra, sa një pallat 81-katësh. Në kohën e përfundimit, ka qenë struktura më e lartë në botë. Ajo ka qenë struktura më e lartë deri në vitin 1930, kur ia kaloi ndërtesa e Chrysler në Nju Jork. Sot, Kulla Eiffel është struktura e dytë më e lartë në Francë.
3- Vizitorët kanë mundësi të ngjiten me shkallë ose me ashensor. Ka tre ashensorë, megjithëse vetëm dy janë të hapur në të njëjtën kohë. Ashensori i tretë ngjitet nga kati i dytë në të tretin. Duhet të dini se këta ashensorë mund të jenë shumë të ngarkuar, sidomos gjatë sezoneve turistike dhe radha e pritjes për t’u ngjitur në ashensor mund të jetë shumë e gjatë
4- Duhet të keni durimin për t’i vizituar të tria katet. Në katin e parë do të mësoni rreth historisë së Kullës, së kaluarës e së tashmes së saj. Këtu do të mësoni për rolin që luan kulla në teknologjinë moderne, si dhe do të mund të shikoni pajisje që kanë qenë pjesë e kullës origjinale. Këtu përfshihet një pjesë e shkallëve spirale origjinale (që nuk përdoren më), një nga pompat hidraulike të përdorura në sistemin e ashensorit, si dhe “FerOScope”, pajisja që përdoret për të krijuar shfaqje dritash nga kulla. Në katin e dytë mund të shijoni një pamje 360 gradë të qytetit. Fotot që do bëni këtu, mbeten kujtime të paharrueshme. Gjithashtu do të gjeni një restorant dhe një bar të vogël. Kati i tretë është i jashtëzakonshëm. Do t’ju duket vetja si në majë të botës. Do t’ju pëlqejë si platforma e brendshme ashtu edhe e jashtme, si dhe do t’ju duket shumë interesante një model i zyrës origjinale të inxhinierit Gustave Eiffel.
5- Në këtë kullë ka një zyrë postare.
6- Mahnitëse dhe e bukur, Kulla Eiffel është kthyer në një klishe filmash kinematografikë. Pjesa më e madhe e filmave të xhiruar në Paris tregojnë pamje të Kullës Eiffel dhe shikuesit mund të besojnë se ajo është e dukshme nga të gjitha këndet e qytetit. Në të vërtetë, pjesa më e madhe e ndërtesave në Paris nuk janë më të larta se 7 kate, kështu përveç ndërtesave pranë saj, shumë pak të tjera mund ta shohin kullën nga dritaret.
7- Kulla Eiffel është e mbushur me emra shkencëtarësh.
8- Bëhet një punë shumë e madhe që kulla Eiffel të duket bukur.
9- Poshtë kësaj kulle gjendet një bunker ushtarak.
10- Kulla Eiffel është e hapur për vizitorët çdo ditë, nga ora 9:30 deri më 23:30. Nga mesi i qershorit, deri në fund të gushtit, Kulla hapet në orën 9:00. Ka tri kate për t’u vizituar dhe kostoja e biletës varet nëse doni të shkoni në katin e tretë apo të dytë dhe nëse doni të shkoni me ashensor apo në këmbë nga shkallët. Çmimet variojnë nga 3 deri në 13 euro.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.