.png)
Një avion pasagjerësh i United Airlines humbi gjatë fluturimit një pjesë mbuluese nga pjesa e trupit të një avioni, i cili ishte 25 vjet në funksionim.
Humbja e kësaj pjese nga trupi i avionit u vu re vetëm pas zbritjes së avionit në pistë, një zbritje që nuk u shoqërua me probleme, sipas informacioneve të para. Por gjatë fluturimit nga San Francisco për në Oregon, SHBA, avioni Boeing i tipit 737-800 i shoqërisë United Airlines humbi një pjesë mbuluese nga trupi i i tij. Por mungesa e kësaj pjese u vu re pas zbritjes së sigurtë dhe sipas planit të avionit në Aeroportin Ndërkombëtar, Medford, tha drejtoresha e aeroportit, Amber Jud.
Më parë “Rogue Valley Times” kishte publikuar foto ku shihej mungesa e një pjese mekanike. Pjesa e humbur ndodhej në pjesën e poshtme të avionit, aty ku bashkohen krahët e fluturimit dhe trupi i avionit, sipas agjencisë së lajmeve AP. Ky avion ishte prej 25 vjetësh në funksionim.
Gjiganti i prodhimit të avionëve, ndodhet nën presion që nga janari, pasi një pjesë e kabinës së një avioni të tipit 737 Max u shkëput në mes të fluturimit mbi shtetin Oregon, SHBA. Sipas autoritetit amerikan të fluturimit, NTSB, pas hetimeve të para në fragmentin e shkëputur nga trupi i avionit mungonin katër vida përforcuese. /dw
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
