.png)
Deputeti i PD-së për qarkun e Elbasanit, Luciano Boçi ka komentuar në Facebook një fenomen që sipas tij ka ndodhur në Kolonjë në një nga shkollat e kësaj zone.
Bëhet fjalë për shkollën kryesore “Jani Vreto”, njësia administrative Leskovik, ku janë shtuar klasat kolektive.
“Dhe kjo ndodh vetëm për një nxënës më pak, duke i dorëzuar të tjerët drejt një mësimdhënie kaotike, me tema të përziera e me mësuesë ndonëse të mirë, të pa mësuar me mësim kolektiv. Megjithëse shkolla është e investuar, me klasa e hapësira, ngjan që ato 700 milion lekë të hedhura po shkojnë dëm. Ndonëse përfaqësuesit politikë të PS e kishin premtuar publikisht në fushatë moskrijimin e klasave kolektive, sot nxënësit e mësuesit janë brenda tyre në Leskovik. Prindërit e shohin si hakmarrje politike të rezultatit zgjedhor të gjithë këtë katrahurë me fëmijët e tyre”, shkruan Boçi, duke përcjellë edhe disa mesazhe derguar atij për rastin në fjalë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
