Gazeta Si - Një grup prej 6 turistësh holandezë, të cilët lëshuan gjatë pasdites së të hënës sinjalin SOS nga Mali i Çikës në Vlorë, janë gjetur.
Pesë prej tyre janë në gjendje të mirë shëndetësore, ndërkohë një tjetër është dërguar me urgjencë drejt Tiranës, pasi ka dëmtime në këmbë.
Turisti i dëmtuar, ka qenë duke u hedhur me parashutë, teksa mësohet se është përplasur më pemën dhe më pas është rrëzuar në tokë.
Miqtë e tij kanë lëshuar sinjalin SOS, duke njoftuar autoritetet për incidentin.
Në ndihmë të tyre u nisën forcat e policisë së Orikumit, por dhe një helikopter i policisë, i cili e ka pasur të vështirë të ulej si pasojë e terrenit të thyer.
Para një javë në Mat, makina me të cilën po udhëtonte një turist francez u përmbys në një rrugë rurale, por ai nuk pësoi dëmtime të rënda.
Ndërsa 10 ditë më parë një çift turistësh polakë, u aksidentuan me motor në Kryebushat të Shkodrës, duke humbur jetën në vend.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.