Ambasada shqiptare në Greqi ka njoftuar për rregullat e lëvizjes në pikat kufitare me shtetin fqinj përmes një postimi në rrjetet sociale.
“Nisur nga njoftimi zyrtar i Autoriteteve të Policisë Greke në pikën kufitare Kapshticë, që prej datës 20.11.2020 ora 06:00 deri në datë 04.12.2020 ora 23:59, pika e kalimit Kapshticë do të jetë totalisht e mbyllur për këmbësorët, automjetet, autobusët dhe kamionët si në hyrje ashtu dhe në dalje të Greqisë”, thuhet në njoftimin e ambasadës.
Ndërkohë, lejohet kalimi i njerëzve, automjeteve, kamionëve në Kakavijë. Vetekarantinim i detyrueshëm 1 javë pavarësisht shtetësisë. Ndërsa penaliteti është 5000€ në rast shkelje.
Orari i lëvizjes në Kakavijë do të jetë nga ora 7:00 e mëngjesit deri në orën 23:00 të mbrëmjes. Limiti 750 persona.
Kush hyn në Greqi për nevoja absolute pune dhe del nga territori i saj, nuk ka mundësi më të hyjë deri në përfundim të afatit të vendimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.