Që nga momenti kur Beyonce dhe Jay Z pranuan çmimin nga ‘Brit Award’ para portretit të Meghan Markle, ishte vetëm një çështje kohe derisa çifti The Carters dhe dukesha më e re e Anglisë të takoheshin. Mbrëmë në darkë, në premierën e ‘The Lion King’, mbretëresha e muzikës dhe dukesha e Anglisë u vunë ballë për ballë në një moment epik stili.
Premiera e filmit më të fundit nga ‘Disney’ u realizua në Leicester Square dhe ishte një mbrëmje e mbushur me yje. Edhe pse koleget e saj Florence Kasumba dhe Billy Eichner i kishin kushtuar shumë vëmendje veshjes së tyre, askush nuk mund të krahasohej me zonjën Carter. Nga veshja verbuese e krijuar nga Alexander McQueen që Beyonce kishte zgjedhur për premierën botërore të filmit e cila u mbajt në Los Angelos, në Londër ajo mbante veshur një fustan ari me një të çarë të guximshme në një anë të kofshës, të krijuar nga Cong Tri. E shoqëruar nga Jay Z ata pushtuan tapetin portokalli, ndërsa pozonin për fotografët.
Dukesha e Sussex i qëndroi stilit të saj elegant, ajo u shfaq me një fustan të zi nga Jason Wu, të theksuar nga një mbulesë rrjete delikate në pjesën e sipërme për të pasur një efekt maksimal. E shoqëruar nga princi Harry, ata tërhoqën turmën mbretërore teksa parakalonin në tapetin portokalli dhe më pas ndanë një bisedë me çiftin Carters.
Sigurisht kjo nuk është hera e parë që Beyonce është takuar me familjen mbretërore. Në vitin 2014, ajo bashkë me Jay Z patën një takim me Kate Middleton dhe princin William gjatë një ndeshjeje basketbolli mes Brooklyn Nets dhe Cleveland Cavaliers e cila u zhvillua në Barclay Center. Takimi i shkurtër mes tyre arriti të bënte tituj në mbarë botën, duke lënë vend për këtë takim dhe shumë momente të tjera mbretërore që priten të vinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.