Besimtarët ortodoksë kremtojnë sot Pashkët. Në mesnatë ata u mblodhën me qirinj në duar në katedralen “Ngjallja e Krishtit” në kryeqytet.
Ceremonia zgjati deri pas mesnate ndërsa festimet pritet të përfundojnë me drekën tradicionale të së dielës.
“Krishti u ngjall”, është “refreni” që përsëritet në këtë ditë, ndërsa besimtarët trokasin vezët e kuqe të Pashkëve që simbolizojnë gjakun e Krishtit.
Teksa në qytetet e tjera ceremonia zhvillohet në kishë, në Korçë, kjo realizohet në sheshin e qytetit.
Pashka është pritur me fishekzjarrë në Korçë ku qindra besimtarë vendës, por edhe nga qytete të tjera kanë pritur mesnatën në qendër të qytetit, para Katedrales “Ngjallja e Krishtit” në meshën e drejtuar nga Mitropoliti Johan Pelushi.
“Krishti u Ngjall” dhe pas urimeve që nga drita e shpresës të ketë paqe dhe mirësi në çdo familje, ata u shpërndanë nëpër banesat e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.