Një 58 vjeçar ka rënë në pranga në Berat, pasi akuzohet për falsifikim dokumentesh. Në kuadër të operacionit të koduar “Certifikata”, u arrestua shtetasi me iniciale E.D., i cili akuzohet se pajiste subjektet tregtare, me certifikata dezinfektimi të falsifikuara.
Ndër të tjera mësohet se 58 vjeçari ishte administrator i një subjekti që kryen dezinfektime, ka pajisur subjekte të ndryshme tregtare, me certifikata dezinfektimi të falsifikuara, kundrejt përfitimeve monetare.
Materialet i kaluan Prokurorisë së Rrethit Gjyqësor Berat, për veprat penale "Falsifikim i dokumenteve" dhe "Korrupsion pasiv në sektorin privat"
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.