.png)
Bashkimi Europian ka vendosur një fond prej 100 milionë eurosh për vendet anëtare që të blejnë ato që njihen si testimet e shpejta anti-Covid.
Në një njoftim të Komisionit thuhet se testimet dhe vetëm testimet janë mjetet më të domosdoshme në këtë fazë për të ngadalësuar përhapjen e pandemisë.
“Virusin mund të mbajmë në kontroll vetëm përmes testimeve”, thotë KE.
Komisioni vë theksin tek domosdoshmëria e veprimit urgjent dhe rritjes së testimeve. “Përhapja e virusit do të mbingarkojë sistemet shëndetësore nëse nuk veprojmë menjëherë. Është me rëndësi që të veprojnë dhe të koordinojmë veprimet tona në të gjitha vendet e unionit”, vijon deklarata.
Për këtë arsye, KE thotë se fondi prej 100 milionë eurosh do të përdoret për blerjen e drejtpërdrejtë të testeve të shpejta për vendet anëtare, duke u mundësuar këtyre të fundit fuqizimin e mekanizmave të testimit në hyrje-dalje të njerëzve. Kjo, sipas KE-së do të reduktonte mbylljet dhe ndalimin e lëvizjes së qytetarëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje