.png)
Kombëtarja e meshkujve në basketboll është mundur 90-50 nga Bjellorusia, në ndeshjen e vlefshme për fazën para-eliminatore të Botërorit 2023, luajtur në Portugali.
Ndeshja ishte me rivalitet vetëm në periodën e parë, që u mbyll 21-16 për bjellorusët. Më tej, ndeshja u dominua nga rivalët, që u shkëputën ndjeshëm në çerekun e dytë. Te kombëtarja ndikuan disa mungesa dhe fakti se ekipi vjen në këto sfida pa ndeshje miqësore dhe stërvitje te plotë (në Shqipëri nuk luhet basketboll prej marsit). Gjithsesi, në gjysmën e dytë të ndeshjes Shqipëria luan më mirë, por Bjellorusia administron avantazhin dhe e meritoi fitoren me shifrat 90-50. Pas 48 orësh, Shqipëria do të luajë sërish në Portugali, këtë herë ndaj kombëtares vendase.
Për Shqipërinë, kjo është sfida e tretë në këtë grup, duke pësuar humbjen e dytë (janë mundur edhe nga Portugalia), ndërkohë që kuqezinjtë e trajnerit Afrim Bilali kanë edhe një fitore (kanë mposhtur Qipron).
Bjellorusi – Shqipëri, 90-50 (21-16, 24-7, 23-20, 22-7)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
