.png)
Kryetari i Partisë Demokratike bëri përgjegjës Edi Ramën dhe Sandër Lleshajn për vrasjen e të riut Klodjan Rasha. Gjatë një takimi me të rinjtë në qytetin e Vlorës, Lulzim Basha për ngjarjen e rënde të vrasjes nga policia të të riut Klodian Rasha.
"Një brutalitet dhe përgjegjësit nuk janë thjesht ata që shkelën këmbëzën e armës mbi një të ri të pafajshëm, 20 metra nga dera e shtëpisë, por ata që kanë injektuar brutalitetin dhe ashpërsinë në çdo hallkë të qeverisjes”, tha Basha.
Kreu i opozitës foli në kohën që në Tiranë qytetarët protesonin para Kryeministrisë dhe Ministrisë së Brendshme duke kërkuar dorëheqjen e ministrit të Brendshëm, Sandër Lleshaj. Por, sipas Bashës, akti i dorëheqjes duhet të shkojë më lart.
“Kryeqeveritari, vartësi i tij që po të kishte pasur një fije dinjitet do të kishte dhënë dorëheqjen, apo po të kishte pasur një fije dhembshuri kryeministri, duhet ta kishte shkarkuar atë edhe drejtorin e përgjithshëm të policisë por nuk ka mundësi ta bëjë këtë, sepse frymëzuesi i këtij brutaliteti, kësaj arrogance, kësaj shpërfilljeje për dinjitetin, për jetën njerëzore, për jetën e të rinjve është vetë ai. E keqja ka shkuar në palcë ndaj duhet shkulur me rrënjë”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
