.png)
Qendra Amerikane për Kontrollin dhe Parandalimin e Sëmundjeve (CDC) mund të shkurtojnë shumë shpejt kohën që rekomandohet se një person duhet të vetë-karantinohet pas ekspozimit të mundshëm ndaj Covid-19. Ekspertët e shëndetit të CDC janë duke përfunduar rekomandimet për një periudhë të re karantinimi që ka gjasa të jetë në periudhën kohore nga 7 deri në 10 ditë.
“Ekspertët po diskutojnë periudhën e saktë kohore dhe çfarë lloji të testit do t'i jepet një personi për të dalë nga karantina. Ne mendojmë se puna që kemi bërë dhe disa nga studimet që kemi me të dhënat e modelimit që kemi, tregojnë se ne mundemi të shkurtojmë kohën e karantinës,” tha Henry Walke, eksperti i shëndetit publik në CDC.
Deri më tani, autoritetet shëndetësore kanë rekomanduar një karantinë 14-ditore, së bashku me masa të tjera paraprake si mbajtja e maskave dhe mbajtja e distancës, për të frenuar transmetimin e virusit. Gjatësia e kohës së karantinës bazohet në kohën që studiuesit besojnë se duhet që infeksioni të japë simptoma. Megjithatë, disa ekspertë të shëndetit publik thonë se 14 ditë janë shumë të gjata në raste të caktuara, duke cituar prova për sa kohë dikush nuk është infektues. Për më tepër, thonë ata, njerëzit janë të lodhur mendërisht pas disa muajsh kufizimesh.
Ekspertët shtojnë gjithashtu se ende nuk është studiuar tamam si ndikon gjatësia e kohës së qëndrimit në izolim, e pikërisht për këtë nuk ka një vendim përfundimtar. Rekomandimi i ri mund të rrisë kërkesën për testim në një kohë kur kapacitetetet janë të pakta, duke bërë që disa njerëz ta bëjnë më të vështirë trajtimin dhe izolimin e rasteve.
“Rreth 50% e njerëzve që sëmuren zhvillojnë simptoma midis pesë dhe gjashtë ditësh pasi janë infektuar, ndërsa 9% zhvillojnë simptoma pas 10 ditësh dhe 2% pas 14 ditësh. Nëse njerëzit do të qëndronin në karantinë, po në karantinë totale edhe pa shkuar në dyqan, atëherë po që do të duhet ta shkurtojmë kohën, tha Justin Lessler, një epidemiolog në Shkollën e Publikut Johns Hopkins Bloomberg Shëndeti, duke cituar vlerësime që ai dhe studiues të tjerë kanë botuar.
Lessler shpjegon se gjatësitë e kohës së karantinës mund të varen nga situata. Një periudhë më e shkurtër që përfundon me një provë mund të justifikohet para se të ktheheni në një zyrë me të tjerët që janë të shëndetshëm. Megjithatë, 14 ditë të plota mund të jenë më të duhura para se të vizitoni një të afërm të moshuar.
Sipas tij një periudhë karantine 14-ditore është e sugjeruar në vendet që kanë pak raste, sepse një rast i pa identifikuar në kohë mund të shkaktojë një shpërthim të ri.
Franca, Gjermania dhe Belgjika, duke përjetuar vrullin e tyre të infeksioneve, tashmë kanë ulur kohën e duhur që njerëzit që janë të ekspozuar potencialisht ndaj Covid-19 kanë nevojë për vetë-karantinë. Organizata Botërore e Shëndetësisë aktualisht rekomandon një karantinë 14-ditore, ndërkaq edhe ekspertët e OBSH kanë deklaruar se po rishikojnë të dhënat për të pasur një informacion më të saktë nëse duhet të ulin periudhën e karantinës.
Burimi:The Wall Street Journal/ Përktheu:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
